«2023 jylǵy qańtar-maýsymda Qazaqstannyń eksporty 15,1%-ǵa tómendep, 32,6 mlrd dollardy qurady», – dep jazady Export.gov.kz official Telegram arnasy
Eksporttalǵan negizgi taýarlar: shıki munaı – $20,5 mlrd (úlesi 63%), mys jáne mys katodtary – $1,6 mlrd (4,8%), mys kenderi men konsentrattary – $1,4 mlrd (4,2%), feroqorytpalar – $1,2 mlrd (3,6%), bıdaı – $1 mlrd (3,2%), tabıǵı gaz - $668 mln (2,1%), munaı ónimderi – $598,1 mln (1,8%), ýran – $506 mln (1,6%), kúmis – $352,7 mln (1,1%), bıdaı nemese bıdaı-qara bıdaı uny – $277,9 mln (0,85%).
Elimiz úshin jańa naryqtarǵa jol ashyldy. Máselen, Kambodjaǵa 228,6 myń dollar taýary jetkizildi, Sırıa, Paragvaı jáne Lıhtenshteınge sáıkesinshe 196,4 myń, 48,1 myń jáne 22,2 myń dollardyń ónimi eksporttaldy.
Syrtqy saýda aınalymy 2023 jylǵy qańtar-maýsymda 53,4 mlrd dollardy qurady, bul 2022 jylǵy uqsas kezeńmen salystyrǵanda 4,4%-ǵa joǵary.