Almaty qalasy boıynsha QAJ departamentiniń №72 mekemesine Almaty qalasy boıynsha Ulttyq aldyn alý tetiginiń qatysýshylary baryp, jazasyn óteýshilerdi ustaý jaǵdaıymen tanysty.
Top quramyndaǵy K.Abdyhalyqov, S.Elkeev jáne E.Asanov mekeme aýmaǵyn aralap, tergeý tutqynyndaǵylarmen áńgimelesti. Sondaı-aq tekserýshiler tergeýdegi kámelettik jasqa tolmaǵandarmen jáne áıeldermen de júzdesip, olardyń ótinishterin tyńdady. Sharýashylyq qyzmetindegi sottalǵandardyń tynys-tirshiligimen tanysty, dep habarlaıdy Almaty-akshamy.kz.
Polisia.kz aqparatynsha, Ulttyq aldyn alý tetiginiń qatysýshylary sottalǵandardyń aryz-shaǵymyn qabyldaıtyn termınaldardy tekserdi. Tekserý barysynda eshqandaı zań buzýshylyq anyqtalǵan joq. Tergeý tutqynyndaǵylar men sottalǵandarǵa as ázirleıtin jáne azyq-túlik saqtalatyn oryndarda bolǵan olar kúndelikti as mázirin de nazardan tys qaldyrǵan joq.
Olarmen jumys isteıtin psıhologtarmen de kezdesip, jazaly adamdarmen ótkiziletin psıhologıalyq jumystarǵa da nazar aýdardy. Almaty qalasy boıynsha Ulttyq aldyn alý tetiginiń qatysýshylary tarapynan tergeý ızolátoryndaǵy tutqyndar men sottalǵandardy ustaý jaǵdaıyna obektıvti baǵa berildi.