Inflásıa 8-10 paıyz dálizde anyqtaldy.
Bıyl Qazaqstan eksporty 72,2 mlrd AQSH dollaryna deıin ósedi. Bul týraly búgin Úkimet otyrysynda QR Ulttyq ekonomıka mınıstri Álibek Qýantyrov aıtty, dep habarlaıdy Almaty-akshamy.kz QazAqparatqa silteme jasap.
«Ulttyq banktiń boljamy boıynsha, eksport 72,2 mlrd AQSH dollaryna deıin ósýde. Import 40,2 mlrd AQSH dollardy quraıdy. Inflásıa 8-10 paıyz dálizinde anyqtaldy. Túzetilgen makroekonomıkalyq boljamnyń negizinde búdjet kiristeri boıynsha boljam naqtylandy. Respýblıkalyq búdjettiń kiristeri 2022 jyly 10,2 trln teńge kóleminde baǵalanady, bul bekitilgen jospardan 955 mlrd teńgege joǵary. Kiristerdiń negizgi ulǵaıý munaıǵa boljamdy baǵanyń ósýi jáne AQSH dollaryna teńge baǵamynyń ózgerýi aıasynda baj mólsherlemesiniń artýy esebinen munaıǵa eksporttyq kedendik baj, sondaı-aq makroekonomıkalyq kórsetkishterdiń ósýi esebinen korporatıvtik tabys salyǵy boıynsha kútilýde», - dedi Álibek Qýantyrov.
Onyń aıtýynsha, Prezıdent qoıǵan mindetterdi iske asyrý jáne respýblıkalyq búdjettiń teńgerimdiligin qamtamasyz etý maqsatynda 2022 jylǵa bekitilgen Ulttyq qordan kepildendirilgen transferttiń mólsherin 1,6 trln teńgege ulǵaıtyp, 4 trln teńgege deıin túzetý usynylady.
«Qordaǵy azaıtylmaıtyn qaldyq jalpy ishki ónimge qatysty 31,9 paıyz deńgeıinde nemese bekitilgen boljamǵa 0,8 paıyzdyq tarmaqqa artyq boljanady. Valútalyq aktıvter 55,9 mlrd AQSH dollary deńgeıinde baǵalanýda», - dedi mınıstr.