Naryqtaǵy dızelge suranystyń turaqty ósý sebebiniń negizgi faktory tranzıttik kólik aǵyny, budan basqa Qazaqstannan shetelge sur sqema boıynsha alyp ketip jatqan eksport. Bul týraly QR Energetıka mınıstri Bolat Aqsholaqov búgingi brıfıń barysynda aıtty.
Ótken jyly mamandardyń esepteýinshe sheteldik tranzıttik kólik tutynǵan dızel kólemi shamamen 150 myń tonnany quraǵan, budan basqa sur eksportpen ketken otynnyń kólemi shamamen 200 myń tonna.
QR Energetıka mınıstri Bolat Aqsholaqovtyń aıtýynsha Qazaqstanda dızel otyny tapshylyǵynyń basty sebebi baǵadaǵy dısproporsıa. Otandyq otyn baǵasy kórshi eldermen salystyrǵanda aıtarlyqtaı arzan. Qazaqstan – álemdegi janarmaıy arzan on eldiń qatarynda. Mysal úshin, Reseıde dızel baǵasy ortasha eseppen lıtrine 345 teńge, bizdegi naryq baǵasynan 45%-ǵa qymbat. Qyrǵyzstandaǵy baǵa 64%-ǵa joǵary, ıaǵnı lıtrine 390 teńge, Ózbekstandaǵy baǵa bizben salystyrǵanda eki esege qymbat - lıtrine 480 teńge, baǵamyzdaǵy aıyrmashylyq - 101 paıyz.