QR Energetıka mınıstriniń mindetin atqarýshy Bolat Aqsholaqov elimizde benzın men dızel otyny baǵasynyń ósýi azyq-túlik qunyna áser etýi máselesine qatysty suraqqa jaýap berdi, dep habarlaıdy Almaty-akshamy.kz.
Aıta keteıik, Qazaqstanda benzın men dızel otynynyń baǵasy ósedi. Osy oraıda tıisti buıryqtyń jobasy búgin jarıalanady.
«Janarmaı baǵasynyń ınflásıaǵa yqpaly máselesine toqtalsaq, biz baǵany eki ese kóterip jatqan joqpyz. Biz benzındi (AI-92 jáne AI-93) 11 paıyzǵa, dızeldi 20 paıyzǵa kóterip jatyrmyz. Meniń oıymsha, janar-jaǵarmaı baǵasynyń ósýi taýar qunyna qosatyn úlesi shyn máninde asyra kórsetilip otyr. Sebebi 2021 jylǵy jáne 2022 jylǵy statısıkany qarasaq, janarmaı baǵasy ózgergen joq. Biraq osy ýaqyt aralyǵynda taýar baǵasyna basqa faktorlar áser etti», - dedi B. Aqsholaqov Ortalyq komýnıkasıalar qyzmetindegi baspasóz máslıhatynda.
Onyń paıymynsha, taýar baǵasyna qatysty eleýli ósim bolmaıdy.
«Atap aıtqanda, bul baǵytta tıisti qadaǵalaý kerek. Árıne, qandaı da bir ósim bolady. Biraq munyń bári josparlanǵan ınflásıa sheginde bolady dep oılaımyn», - dedi mınıstrdiń mindetin atqarýshy.
Mınıstrdiń sózine qaraǵanda, taksı qyzmeti qymbattaýy múmkin.