Qazaqstan beton jol salýdan bas tartý týraly sheshim qabyldady.
Sheneýnikterdiń nege mundaı sheshim qabyldaǵany týraly kolesa.kz portalyna bergen suhbatynda QR IIDM Avtomobıl joldary komıtetiniń tóraǵasy Tólegen Abdýllın aıtyp berdi, dep habarlaıdy Almaty-akshamy.kz.
Spıkerdiń aıtýynsha, beton tósemdi kútip ustaý, asfált joldy kútip ustaýdan góri qymbatyraq.
"Biz ázirge beton paıdalanýdan bas tartý týraly sheshim qabyldadyq. Sebebi, ony paıdalaný kezinde belgili bir qıyndyqtar anyqtaldy. Eger asfáltta aqaý paıda bolsa, ony tez arada joıýǵa bolady, al betonmen jaǵdaı basqasha. Iá, beton tózimdirek. Ońtústik aımaqtarǵa ynǵaıly, biraq elimizdiń soltústiginde kóptegen qıyndyqtar týǵyzady. Eń bastysy, qysta muzben kúresý. Oǵan qosa, beton joldardy kútip ustaý qymbatyraq. Buǵan bólingen qarjy jumystyń qunyn ótemeıdi. Sondyqtan biz qazir bul máseleni zerttep jatyrmyz, múmkin, mundaı joldardyń qurylysyna keıinirek qaıta oralatyn shyǵarmyz", - dedi basqarma tóraǵasy.