Onyń pikirinshe, qoǵamda qalyptasqan keıbir áleýmettik normalardy ózgertken jón.
65 memleket balaǵa dene jaraqatyn salýǵa zańmen tyıym salǵan, dep habarlaıdy Almaty-akshamy.kz
BUU Qazaqstandaǵy balalar qorynyń ókili Artýr Van Dızen Qazaqstanda balalarǵa qol kóterýge zańmen tyıym salý keregin aıtty.
«Bul balalar arasyndaǵy zorlyq-zombylyq pen olarǵa úlkender tarapynan jasalatyn zorlyq-zombylyqqa qatysty. Onyń saldary aýyr. Sondyqtan osyny otbasylarǵa túsindirý kerek. Mysaly, «Men osylaı tárbıelendim, osylaı óstim. Men de balamdy osylaı tárbıeleımin» dep oılaýdyń qajeti joq. Balany daýys jáne qol kótermeı-aq tárbıeleýge jáne ósirýge bolady. Muny ata-analarǵa jetkizý úshin tıisti komýnıkasıalyq kampanıa kerek, - dedi Artýr Van Dızen OKQ-da ótken dóńgelek ústelde.
IýNISEF ókili Qazaqstanda balalardy urýǵa zańmen tyıym salýdy usyndy.
«Dene jaraqatyn salýǵa zańmen tyıym salý – óte mańyzdy. Búginde 65 memleket dene jaraqatyn salýǵa zańmen tyıym saldy. Taǵy 27 el bul zańǵa qosylýdy josparlap otyr. Onyń arasynda Qazaqstannyń kórshileri de bar. Sondyqtan otbasynda da, otbasynan tys jerlerde de dene jaraqatyna taıym salý mańyzdy bolyp otyr... Biz balalarǵa zorlyq-zombylyq jasalýyna, olardy uryp-soǵýǵa jol bermeýimiz kerek. Bul – qoǵam aldyndaǵy mindetimiz», - dedi ol.
Dóńgelek ústelge qatysqan İİM Ákimshilik polısıa komıteti tóraǵasynyń orynbasary Renat Zýlhaırov Qazaqstanda balalardyń quqyǵy zańmen qorǵalatynyn, olardy urǵandar zań aıasynda qylmystyq jáne ákimshilik jaýapkershilikke tartylatynyn atap ótti.