Kezdesý barysynda Prezıdentke telekomýnıkasıa salasyndaǵy álemdik kóshbasshylardyń biriniń Qazaqstanmen yntymaqtastyqty damytýǵa qatysty aldaǵy jospary tanystyryldy.
Sondaı-aq Qasym-Jomart Toqaevqa «Huawei» men «Qazaqstan temir joly» ulttyq kompanıasynyń temirjol jelisin sıfrlandyrý jáne jańa tehnologıalardy paıdalaný jónindegi birlesken jobany iske asyrý jospary týraly málimet berildi, dep habarlaıdy Almaty-akshamy.kz.
Lán Hýa «Huawei» kompanıasy keń jolaqty qoljetimdi ınternetti damytýǵa jáne Qazaqstannyń óńirlik sıfrlyq hab retinde qalyptasýyna qatysty zertteýlerdi qarjylandyrǵanyn aıtty. Memleket basshysy «Huawei» aqparattyq-kommýnıkasıalyq tehnologıalar akademıasynyń bazasynda IT-tehnologıa salasy boıynsha bilikti qazaqstandyq mamandardy daıarlaý jónindegi jobany júzege asyrýdy quptady.