Pavel Iláshenko men Kırıll Stadnık irikteý kezeńinde súringen joq
Qytaıdyń Hanchjoý qalasynda ótip jatqan XIX Azıa oıyndarynda Pavel Iláshenko men Kırıll Stadnık qazirgi bessaıys jarysynyń fınalyna shyqty, dep habarlaıdy Almaty-akshamy.kz.
İrikteý kezeńinde sportshylar semserlesý, 10 metrden nysana kózdeý, 200 metrge júzý jáne 3 shaqyrymǵa júgirýden synǵa tústi. Fınalda osy jarystarǵa taǵy konkýr qosylady.
Búgin tústen keıin jartylaı fınalda Temirlan Abdraımov pen Georgıı Boroda-Dýdochkın fınalǵa shyǵý úshin baq synaıdy.
Áıelderdiń saıysynda jarysqa qatysýshylardyń sany az bolǵandyqtan Anastasıa Kochetkova, Elena Potapenko, Lúdmıla Iakovleva men Krıstına Rábova irikteýsiz, birden fınalǵa shyqty.
Erler men áıelderdiń fınaldary 24 qyrkúıekte bolady. Úzdik bestikke kirgen sportshylar Olımpıada lısenzıalaryn ıelenedi. Munda bir elge tek bir joldama beriledi.