Almaty qalasy, Almaty jáne Jetisý oblystary boıynsha QAJ departamentine qarasty mekemelerde óndiris oryndaryn jáne jańa jumys oryndaryn ashý, sondaı-aq sottalǵandardy jumyspen qamtýdy arttyrý maqsatynda oblys jáne qala kásipkerleri úshin ashyq esik kúni ótkizildi.
Atalǵan departamenttiń jáne Almaty oblysy mamandandyrylǵan prokýratýrasynyń bastamasymen ótkizilgen ashyq esik kúni №10, №12, №14 jáne №57 mekemelerinde uıymdastyrylyp, sottalǵandardy jumyspen qamtý máselesi talqylandy, dep habarlaıdy Almaty-akshamy.kz Polisia.kz-ke silteme jasap.
Búgingi tańda, departamentke qarasty mekemelerde jazasyn ótep jatqan 1300 sottalǵan jumyspen qamtamasyz etilgen jáne mekemeler aýmaǵynda 50 jeke kásipkerlik jaýapkershiligi shekteýli seriktestikter jumys isteıdi.
Olar 600-den asa sottalǵandardy jumyspen qamtamasyz etip otyr. Kásiporyndar negizinen metalkonstrýksıasymen, aǵash óńdeý, tigin jáne jasandy teri buıymdaryn shyǵarýmen aınalysady.
«Mekemeler aýmaǵyndaǵy óndiris kólemin ulǵaıtý maqsatynda uıymdastyrylǵan ashyq esik kúnine Almaty oblysy kásipkerlik jáne ındýstrıaldy-ınnovasıalyq damý basqarmasynyń, “Qonaev qalasy boıynsha mansap ortalyǵynyń”, “Qonaev qalasynyń kásipkerlik bóliminiń” jáne Almaty oblysyndaǵy iri kásiporyndar men shaǵyn bıznes ókilderi qatysty. Olar mekemelerdegi jumys istep turǵan obektiler men bos úı-jaılardy aralap, óndiriletin ónimdermen tanysty», – dep atap ótti QAJD bastyǵynyń orynbasary Rýslan Gabıbov.