Almaty qalasyndaǵy hımıa-bıologıalyq baǵytyndaǵy NIS muǵalimderi Sholpan Ábisheva men Aıjan Omarhanova Pro.NRG 2023 jahandyq festıvaliniń «Science on Stage Kazakhstan» ulttyq irikteý týrnıriniń jeńimpazdary atandy.
Pro.NRG-2023 pedagogtar men ǵalymdar úshin dástúrli halyqaralyq ǵylymı forým retinde tanylǵan. Bıyl bedeldi festıvál «STEM-bilim berýdiń turaqty damýy» taqyrybynda ótti, dep habarlaıdy Almaty-akshamy.kz Egemen.kz-ke silteme jasap.
Eýropanyń jaratylys salasyndaǵy tájirıbeli profesorlary Maıkl Gregorı (Fransıa), Gordon Kennedı (Italıa), Nasko Stamenov (Bolgarıa), Pol Landmannan (Ispanıa) tórelik etken baıqaýda elimizdiń túkpir-túkpirinen kelgen 50 úzdik qazaqstandyq joba talqyǵa tústi. Nátıjesinde sarapshylar jeti jobany tańdady. Jeńimpaz ustazdar kelesi jyldyń jazynda Fınlándıada ótetin 13-shi Eýropalyq «Science on Stage-2024 festıvalinde» respýblıkanyń abyroıyn qorǵaıtyn bolady.
«Science on Stage» festıvaline Eýropanyń 30-dan astam elinen ulttyq baıqaýlardyń jeńimpazdary qatysady. Kásibı alańda álemniń túkpir-túkpirinen baratyn 500-ge jýyq mektep muǵalimderi stendterde, semınarlarda jáne sesıalarda ózderiniń eń kreatıvti STEM ıdeıalarymen bólisetin bolady.