Qazaqstan Respýblıkasynyń prokýrory Arystan Alıkenov Qańtar oqıǵalary kezinde 99 azamatty, onyń ishinde Qazaqstan, Ózbekstan, Tájikstan jáne Qyrǵyzstan turǵyndaryn azaptaýǵa qatysqan polısıa qyzmetkerlerine jaza surady, dep habarlaıdy aqshamnews.kz
2022 jylǵy 7 qańtarda QR UQK Shekara qyzmetiniń basshylyǵy Almatydaǵy tártipsizdikterge qatysqandardy izdeý boıynsha operasıa uıymdastyrdy. Sol kúni Almaty — Bishkek trassasynda áskerı blokpost ornatylyp, 99 adam, sonyń ishinde mýzykant Vıkram Rýzahýnov ta ustaldy.
Ustalǵandar Qoshmambet aýylyndaǵy ýaqytsha ustaý ızolátorynda (ÝUI) azaptalǵan. Sol kezdegi málimet boıynsha, bul ızolátor resmı túrde jumys istemegen. Jábirlenýshilerdiń aıtýynsha, ǵımaratta sý da, jylý da bolmaǵan.
Aıyptalýshylar:
— Serik Týrpanbaev.
— Nursultan Hamıtov.
— Arman Shoıbekov.
— Berik Ábilbekov.
— Oljas Aıdarhanov.
Bul tulǵalarǵa «Azaptaý» jáne «Ókilettilikti asyra paıdalaný» baptary boıynsha aıyp taǵylýda.
Prokýror Arystan Alıkenov alty aıyptalýshyny arnaıy shenderinen aıyryp, úsh jylǵa bas bostandyǵynan aıyrý jáne olardy sot zalynda qamaýǵa alýdy surady.