Almatynyń Alataý aýdanyndaǵy Shapaǵat shaǵynaýdanynda alapat órt boldy, - dep habarlaıdy almaty-akshamy.kz Massaget.kz-ke silteme jasap.
Almaty TJD málimetinshe, oqıǵa 12 qazanda 04.28 shamasynda bolǵan. Órtsóndirýshiler 6 mınýtta kelip, plasık tereze shyǵaratyn sehten órt shyqqanyn anyqtaǵan. Órt aǵash kesýge arnalǵan aǵash sheberhanasyna, sondaı-aq 500 sharshy metr aýmaqty alyp jatqan aǵash úıindiler jınalǵan turǵyn úıdiń aýmaǵyna ótken.
Órtsóndirýshiler qatty jylý áserinen jáne qarqyndy janý jaǵdaıynda jumys istedi.
Oqıǵa ornynda jedel shtab jasaqtalyp, sýmen qamtamasyz etý jumystary júrgizilgen. Biraq oqıǵa ornynda janatyn aǵashtyń kóp bolýy jáne sýdyń alys ornalasýy órt sóndirý jumysyn qıyndatyp jibergen.
Órt 06.18-de sóndirilgen, al 07.07-de tolyq óshirilgen. Qaza tapqandar joq.
Órtti sóndirýge TJD 73 qyzmetkeri men 22 birlik tehnıka, "Almaty Sýdyń" 2 sýarý mashınasy jumyldyrylǵan. Órttiń neden shyqqany anyqtalyp jatyr.