2023 jylǵy 14 qarasha Bakýda Qazaqstan, Ázirbaıjan jáne Ózbekstan ekonomıka jáne energetıka mınıstrleriniń úshjaqty kezdesýi ótti.
Qazaqstan tarapynan kezdesýge Energetıka mınıstri Almasadam Sátqalıev pen Qazaqstannyń Ázerbaıjandaǵy Elshisi Álim Baıel qatysty, dep habarlaıdy Almaty-akshamy.kz
Kezdesý barysynda taraptar Ázerbaıjan aýmaǵy arqyly Qazaqstan men Ózbekstannan Eýropaǵa elektr energıasyn eksporttaý perspektıvalaryn talqylady, sondaı-aq jasyl energetıka salasyndaǵy jobalardy damytý jóninde pikir almasty. Atap aıtqanda, úsh eldiń jańartylatyn energıany damytý jáne eksporttaý salasyndaǵy memlekettik saıasaty Ázerbaıjanǵa Ortalyq Azıadan Eýropaǵa elektr energıasyn jetkizýde baılanystyrýshy kópir rólin atqarýǵa múmkindik beretinine nazar aýdaryldy.
Osy turǵyda Ázerbaıjan Grýzıa, Rýmynıa jáne Vengrıamen birlesip, Kaspıı – Qara teńiz – Eýropa eksport dálizin qurý boıynsha jumys júrgizip jatqanyn atap ótken jón, onyń aıasynda 4 GVt elektr energıasyn eksporttaý josparlanýda. Nahchyvan – Túrkıa – Eýropa baǵyty boıynshada 1 GVt-tan astam jasyl energıany jetkizý josparlanýda.
Qazaqstan men Ózbekstannyń osy dálizderge qol jetkizýi elektr energıasy naryqtaryn odan ári damytýǵa, jasyl sýtegi men amıak óndirý jáne jetkizý salasyndaǵy yntymaqtastyqty nyǵaıtýǵa, energetıkalyq qaýipsizdikti nyǵaıtýǵa jáne Orta dáliz aıasynda jasyl jobalardy damytýǵa oń yqpal etedi.
Kezdesýde Qazaqstan men Ózbekstannyń energetıkalyq júıelerin Ázerbaıjannyń energetıkalyq júıesimen biriktirgennen keıin Kaspıı teńiziniń túbimen joǵary vóltty jelilerdi tartý múmkindikteri týraly pikir almasý boldy.
Kelissózder nátıjesinde jobanyń tehnıkalyq-ekonomıkalyq negizdemesin daıyndaý jáne elektr energıasyn eksporttaý boıynsha birlesken kásiporyn qurý týraly ýaǵdalastyqqa qol jetkizilip, tıisti birlesken komúnıkege qol qoıyldy.
Osy turǵyda bıyl Qazaqstan men Ázerbaıjan Kaspıı teńiziniń túbimen aımaqtaǵy ınternet-trafıkti ártaraptandyrýǵa múmkindik beretin talshyqty-optıkalyq baılanys jelisin tartý boıynsha birlesken jobany júzege asyrýdy bastaǵanyn aıta ketken jón.