Naqty tóleýshiler 5 mıllıonǵa jýyq.
Endi halyqty MÁMS júıesine tartý úsh baǵytta júrgiziledi, dep habarlaıdy Almaty-akshamy.kz densaýlyq saqtaý mınıstrligine silteme jasap.
Qazaqstanda halyqty áleýmettik medısınalyq saqtandyrýǵa tólem jasatý úshin sharalar ázirlendi.
Qazaqstanda mindetti áleýmettik medısınalyq saqtandyrýǵa jarnalar men aýdarymdar jasaıtyn halyq sany tym az, naqty tóleýshiler 5 mıllıonǵa jýyq nemese 25%-ten aspaıdy. Mınıstrliktiń aıtýynsha, keıbir oblystarda medısınalyq áleýmettik saqtandyrýǵa tólem jasaıtyndar sany tipti besten birge de jetpeıdi. Al 15 jeńildikti sanattaǵy 11,7 mıllıon azamat medısınalyq qyzmetti memleket esebinen MÁMS arqyly alady.
Osy oraıdy, áleýmettik medısınalyq saqtandyrýǵa tólem jasaıtyndar sanyn ulǵaıtý úshin densaýlyq saqtaý mınıstrliginiń janynan vedomstvoaralyq jobalyq ofıs quryldy. Endi halyqty MÁMS júıesine tartý úsh baǵytta júrgiziledi.
"Birinshisi - qanaǵattanarlyqsyz, daǵdarystyq jáne tótenshe jaǵdaıdaǵy azamattarǵa qatysty jumys. Búgingi tańda mundaı sanattaǵy adamdar sany 2,2 mln. Jergilikti atqarýshy organdardyń janyndaǵy shtabtar ekonomıkalyq belsendi jáne eńbekke jaramsyz adamdardy anyqtaýy tıis. Budan basqa, osal sanattaǵy adamdar úshin MÁMS jarnalaryn tóleý tetigi máselesi pysyqtalatyn bolady. Ony jergilikti atqarýshy organ anyqtaıdy", - deıdi vedomstvo.
Ekinshi baǵyt - jergilikti atqarýshy organdardyń memlekettik kirister organdarymen ózara is-qımyly arqyly beıresmı jumyspen qamtylǵan halyqty tartý. Olardyń kásipkerlik qyzmetinde MÁMS tóleýdi barynsha anyqtalatyn bolady.
"Úshinshi baǵyt – MÁMS boıynsha tólemderdi ýaqtyly júrgizbeıtin jumys berýshilermen memlekettik kirister organdarynyń jumysyn jandandyrý. Munda biz áleýmettik medısınalyq saqtandyrý júıesindegi boryshker uıymdar týraly aıtyp otyrmyz", - dedi mınıstrlik.
Bul tájirıbe qalalyq jáne aýdandyq deńgeıde júrgiziletin bolady.