Elshi Álim Baıel Qazaqstan men Ázirbaıjannyń strategıalyq áriptes jáne odaqtas ekenin atap ótti.
Qazaqstan Respýblıkasynyń Ázirbaıjandaǵy Elshiliginde týrızm salasyndaǵy ekijaqty yntymaqtastyqty tereńdetý jáne eki el arasyndaǵy týrısik aǵyndy ulǵaıtýǵa baǵyttalǵan Qazaqstan-Ázirbaıjan týrısik forýmy ótti, dep habarlaıdy Almaty-akshamy.kz
Sharaǵa Qazaqstannyń Ázirbaıjandaǵy Elshisi Álim Baıel, Túrki mádenıeti jáne murasy qorynyń prezıdenti Aqtoty Raıymqulova, «KazakhTourism» UK» AQ, Ázirbaıjan Memlekettik týrızm agenttigi men Týrızm búrosynyń, AirAstana jáne FlyArystan áýe kompanıalarynyń, Qazaaqstan jáne Ázirbaıjan týrıstik gıdter qaýymdastyqtarynyń ókilderi, Almaty jáne Shymkent qalalary, Mańǵystaý oblysy týrızm basqarmalarynyń basshylary, eki eldiń iri týrısik kompanıalary, jýrnalıser, tanymal ázerbaıjandyq blogerler, barlyǵy 70-ten astam adam qatysty.
Elshi Álim Baıel quttyqtaý sózinde Qazaqstan men Ázirbaıjannyń strategıalyq áriptes jáne odaqtas ekenin atap ótti. Ekijaqty yntymaqtastyq barlyq salada, sonyń ishinde týrızmde de qarqyndy damyp keledi. Dıplomat qazaqstandyqtardyń Ázirbaıjanǵa, al ázirbaıjandyqtardyń Qazaqstanǵa degen qyzyǵýshylyǵy artyp kele jatqanyn aıtty.
Á. Baıel 2023 jylǵy statısıkalyq málimetterge sáıkes, ótken jyly Ortalyq Azıadan Ázirbaıjanǵa kelgen árbir ekinshi týrıstiń Qazaqstannan kelgenin atap ótti. Byltyr Ázirbaıjanǵa 58 myń qazaqstandyq týrıs kelgen. 2024 jyldyń qańtar-maýsym aılary aralyǵynda bolsa Ázirbaıjanǵa 38 myńnan astam qazaqstandyq týrıs kelip úlgergen. Jalpy, Ázirbaıjanǵa týrısik aǵynnyń ósý dınamıkasy boıynsha Qazaqstan, Qytaı men Úndistannan keıin úshinshi orynda tur.
Kezdesý barysynda Qazaqstannyń týrızim salasynyń ókilderi forýmǵa qatysýshylarǵa elimizdiń tanymal týrısik baǵyttary týraly aıtyp berdi, Qazaqstannyń biregeı jáne kórkem tabıǵatyn pash etti, sondaı-aq aldaǵy 8-14 qyrkúıekte Astana qalasynda ótetiń 5-shi Dúnıejúzilik kóshpendiler oıyndary týraly aqparat berdi. 
Shara aıasynda AirAstana men FlyArystan áýe kompanıalary lotereıa uıymdastyrdy. Jeńimpazdarǵa Ázirbaıjannan Qazaqstanǵa tegin áýe bıletteri tabys etildi.
Sonymen qatar, forým aıasynda eki eldiń týrısik fırmalarynyń V2V kezdesýleri ótip, Qazaqstan jáne Ázirbaıjan týrısik gıdter qaýymdastyqtary arasynda yntymaqtastyq týraly memorandýmǵa qol qoıyldy.
Osy rette, 2024 jyldyń shildesinde ázirbaıjandyq saıahat blogerleriniń Qazaqstanǵa birinshi týry ótip, onyń barysynda olar Almaty, Shymkent jáne Túrkistan qalalarynda, sondaı-aq Almaty oblysynda boldy. Forým barysynda týrǵa qatysýshylar Qazaqstannan alǵan áserlerimen bólisti. Forýmǵa qatysýshylar mundaı is-sharalardyń Qazaqstanǵa týrısik saparmen kelýshilerdiń sanyn arttyrady degen senimderin bildirdi.