Bul týraly Ǵylym jáne joǵary bilim mınıstri Saıasat Nurbek aıtty.
Joǵary bilim alǵysy keletin talapkerge paıyzsyz nesıe beretin joba birneshe bank jáne qarjy ortalyǵymen birge ázirlenip jatyr, dep habarlaıdy Almaty-akshamy.kz
Mınıstrdiń aıtýynsha, qazir mınıstrlik talapkerlerdiń JOO-ǵa túsý múmkindigin arttyrýdyń birneshe jolyn qarastyryp jatyr.
«Birinshiden, jyl sońynda jańa paıyzsyz nesıe jobasy resmı túrde iske qosylady. Qazir ol joba birneshe bankpen jáne qarjy ortalyǵymen birlesip ázirlenip, aıaqtalýǵa taıady. Zańnamalyq turǵydan bári pysyqtalǵan. Munda AQSH-taǵy sıaqty, talapkerge joǵary bilim alýǵa paıyzsyz nesıe beriledi. Taǵy bir joly – bıyl iske qosylǵan saralanǵan granttar jobasy. Keıde talapker jaqsy bal alǵanymen, tańdaǵan mamandyǵynda konkýrs joǵary bolyp, grant jetpeı qalady. Sóıtip, 100-115 bal alyp, túspeı qalady. Mundaı jaǵdaıda biz qosymsha granttar berýge daıynbyz», -dedi Saıasat Nurbek.