Halyq Memleket basshysynyń Joldaýda júktegen tapsyrmalary júzege asady degen senimmen tańdaý jasady.
Prezıdent janyndaǵy strategıalyq zertteý ınstıtýtynyń ókilderi men sarapshylar osyndaı pikirde. Olar atalǵan baǵyttar boıynsha jumystar jalǵasyn tabý kerek dep esepteıdi, dep habarlaıdy Almaty-akshamy.kz.
«Exit-poll bul - álemdik tájirıbe jáne de Ortalyq saılaý komısıasynyń resmı málimetteri shyqqanǵa deıingi alǵashqy nátıjeleri bolyp tabylady. Meniń oıymsha, Toqaevqa daýys bergen saılaýshylardyń kútetin nátıjesi osy kezde bolyp jatqan ózgeristerdi halyq jalpy qoldaıdy degen sóz», - deıdi QR Prezıdenti janyndaǵy strategıalyq zertteý ınstıtýtynyń áleýmettik zertteý bóliminiń meńgerýshisi Saltanat Amangeldiqyzy.
Depýtattar men mádenıet salasynyń ókilderi de Exit-poll-dyń nátıjesin jyly qabyldady. "Endi saıası naýqannan keıin el turǵyndarynyń ádiletti qoǵamǵa qaraı bet burýy, jastar saıası-qoǵamdyq ómirden ornyn aıqyndap, eldiń bolashaqtaǵy saıası ómirine belsene aralasýyna múmkindik arta túsedi", - dedi olar.