Chelábi oblysynyń baqylaýshylary: Almatyda saılaý joǵary uıymdasqan deńgeıde ótti.
21 qarashada Almatydaǵy Qazaqstan Respýblıkasy Prezıdenti saılaýynan habar taratý jónindegi baspasóz ortalyǵy alańyna Reseı Federasıasynan kelgen baıqaýshylar Chelábi oblysy Úkimetiniń İshki saıasat basqarmasynyń bas mamany Aleksandr Antropov, Chelábi oblysy Úkimetiniń İshki saıasat basqarmasynyń aqparattyq-taldaýmen qamtamasyz etý bóliminiń bas mamany Aleksandr Vorobev shaqyryldy, dep habarlaıdy Almaty-akshamy.kz.
«Biz TMD mısıasy aıasynda baqylaý júrgizdik, Qazaqstan Respýblıkasy Prezıdentiniń kezekten tys saılaýy eldegi saılaý zańnamasyna sáıkes ótti. Respýblıkada halyqaralyq baıqaýshylardyń jumys isteýi úshin barlyq qajetti jaǵdaılar jasalǵanyn atap ótkim keledi. Saılaý jalpy joǵary uıymdasqan deńgeıde ótti. Keshe 7 saılaý ýchaskesinde boldyq. Jalpy, bizdiń elderdegi saılaý uıymdastyrý jaǵynan uqsas. Eshqandaı aıtarlyqtaı aıyrmashylyqtar joq. Biz keleńsiz jaǵdaılardy tirkegen joqpyz, biraq jaǵymdy sátter este qaldy, bul - saılaý komısıalary músheleriniń dostyq qarym-qatynasy», - dedi Aleksandr Vorobev.
Reseıden kelgen baqylaýshy Qazaqstanda tehnologıalyq jańashyldyqtar engizilgenin, saılaýshylar arasynda mańyzdy aqparattyq jumys júrgizilgenin atap ótti.
Aleksandr Antropov saılaý komısıalary músheleriniń kásibı deńgeıin, olardyń daıyndyǵyn, qujattardy saýatty toltyratynyn, saılaý ýchaskeleriniń aqparattyq qujattamamen qamtamasyz etilgenin atap ótti.