Densaýlyq saqtaý mınıstrliginde vedomstvo basshysynyń Sýbóńirlik úılestirýshimen jáne QR-daǵy kóshi-qon jónindegi halyqaralyq uıymnyń (HKU) mısıasynyń basshysy Serhan Aqtopyraq myrzamen kezdesýi ótti.
Taraptar mıgranttar men bosqyndardyń densaýlyǵy máselesi boıynsha ózara is-qımyl múmkindikterin, sondaı-aq Qazaqstan aýmaǵynda uzaq merzimdi bolýdy josparlaıtyn ótinish berýshiler úshin kóshpeli densaýlyqty qarap-tekserý baǵdarlamasyn talqylady, dep habarlaıdy aqshamnews.kz DSM-ge silteme jasap.
Kezdesý barysynda atap ótilgendeı, álemdegi qazirgi zamanǵy syn-qaýipter men tótenshe jaǵdaılar jaǵdaıynda «barlyǵyna densaýlyq» qaǵıdatyn, onyń ishinde bosqyndar men kóship-qonýshylar úshin saqtaý erekshe ózekti bolyp tabylady.
Qoldanystaǵy zańnamaǵa sáıkes Qazaqstan aýmaǵynda turaqty turatyn kóship-qonýshylar, sheteldikter jáne azamattyǵy joq adamdar QR azamattarymen teń dárejede TMKKK alýǵa quqyly.
El aýmaǵynda ýaqytsha bolǵandarǵa keletin bolsaq, olarǵa aınalasyndaǵylarǵa qaýip tóndiretin aýrýlardyń jekelegen jaǵdaılarynda ǵana medısınalyq kómek alýǵa kepildik beriledi. Bul shara qoǵamdyq densaýlyqty qamtamasyz etýge jáne el halqyna qaýipti aýrýlardyń taralýyn boldyrmaýǵa baǵyttalǵan.
Sonymen qatar, bul sanattaǵy adamdar medısınalyq saqtandyrý sharty sheńberinde medısınalyq kómektiń belgili bir túrlerin ala alady.
Densaýlyq saqtaý mınıstri Aqmaral Álnazarova kóship-qonýshylar men halyqtyń mobıldik toptaryna qatysty profılaktıkalyq jáne emdeý sharalaryn kúsheıtý bóliginde HKU bastamalaryna qoldaý bildirip, osy saladaǵy odan ári ózara is-qımyldyń mańyzdylyǵyn atap ótti.