İİM "Zań men Tártip" qaǵıdaty boıynsha jumysyn jalǵastyrýda.
Sońǵy aptada Qazaqstannyń birneshe qalalary men oblystarynda operasıalar júrgizildi, dep habarlaıdy aqshamnews.kz Polisia.kz-ke silteme jasap.
Almatyda 26 jastaǵy er adam kóligimen 2,5 kg mefedron, 50 gram kokaın jáne 30 gram "ekstazı" esirtkisin tasymaldaý kezinde ustaldy. Sondaı-aq bir kelige jýyq mefedron men 20 gram kokaındy avtokólikpen tasymaldaǵan eki azamat ustaldy.
Abaı oblysynda 27 jastaǵy er adam quryqtaldy. Ol túrme aýmaǵyna salmaǵy 2 kg bolatyn alty oram gashısh tastamaq bolǵan.
Astanada 27 jastaǵy er adam 10 keliden astam gashısh pen 265 gram marıhýana saqtaǵan. Ol esirtkini Telegram arqyly satyp alǵan.
- Nátıjesinde bir apta ishinde 29 adam qamaýǵa alyndy. 110 keliden astam esirtki tárkilendi. Olardyń ishinde 78 keliden astam sıntetıka, 9 kg gashısh, 22 kg marıhýana jáne 68 gram kokaın. İshki ister mınıstrligi esirtki qylmystaryn anyqtaý jáne jolyn kesý boıynsha belsendi jumysty jalǵastyrýda, - dedi İİM esirtki qylmysyna qarsy is-qımyl komıteti tóraǵasynyń orynbasary Danıar Meıirhan.