Almaty qalasyndaǵy № 2 qalalyq balalar klınıkalyq aýrýhanasy 2024 jyldyń qorytyndysy boıynsha Qazaqstan Respýblıkasynyń medısınalyq uıymdary reıtıńinde kópbeıindi balalar stasıonarlarynyń arasynda birinshi oryndy ıelendi.
722 medısınalyq uıymnyń arasynda reıtıńtik baǵalaý qorytyndysyn QR Densaýlyq saqtaý mınıstrliginiń Salıdat Qaıyrbekova atyndaǵy UǴDSDO qorytyndylady, dep habarlaıdy aqshamnews.kz.
Baǵalaý kezinde 14 klınıkalyq ındıkator, akredıtteý týraly málimetter jáne negizdelgen shaǵymdar sany eskerildi.
№2 BQKA jetistikteri balalarǵa mamandandyrylǵan medısınalyq kómek kórsetý salasynda medısınalyq kómek kórsetýdiń joǵary deńgeıin kórsetedi.
Búgingi tańda aýrýhanada mamandandyrylǵan bólimsheler, stasıonarlyq kómek kórsetetin beıinder kiretin 285 tósek ashylǵan. Klınıka kópbeıindi bolyp tabylady, onda somatıkalyq jáne hırýrgıalyq beıindegi barlyq derlik pedıatrıalyq baǵyttar shoǵyrlanǵan.
№2 BQKA-da qalada balalar gematologıasy, balalar endokrınologıasy boıynsha jalǵyz bólimshe, bronh-ókpe dısplazıasy bar balalarmen aınalysatyn jalǵyz bólimshe jumys isteıdi.
Kópbeıindi klınıkada búginde 690 qyzmetker, onyń ishinde 137 dáriger jumys isteıdi, onyń 8-i Almaty qalasynyń bas shtattan tys balalar mamandary bolyp tabylady. Klınıka qyzmetkerleri jaqyn jáne alys shetelderdiń jetekshi emdeý ortalyqtarynda únemi biliktiligin arttyryp otyrady.
Almaty qalasynyń № 2 Balalar qalalyq klınıkalyq aýrýhanasy birqatar beıinder boıynsha is júzinde respýblıkalyq ról atqarady, emhanaǵa Qazaqstannyń barlyq óńirlerinen kelgen pasıentter barady. Táýlik saıyn shuǵyl túrde 300-ge jýyq bala ártúrli aýrýlarmen, jaraqattarmen jáne ishtiń aýyrsynýymen qabyldaý bólmshesine júginedi. Bir jyldyń ishinde qabyldaý bólimshesine 80 000-ǵa jýyq pasıent júginedi, olardyń 14 000-ǵa jýyǵy emdeýge jatqyzylady.
Klınıkada neırohırýrgıa, travmatologıa, hırýrgıa boıynsha medısınalyq ǵylymnyń jańa jetistikterin, álemdik standarttarǵa sáıkes keletin joǵary deńgeıli jabdyqtardy qoldana otyryp, sońǵy ınovasıalyq tehnologıalardy engize otyryp, biregeı operasıalar júrgiziledi.