Qazaqstandyq tarapty Qazaqstan Respýblıkasy Prezıdentiniń Aýǵanstan boıynsha arnaıy ókili Talǵat Qalıev bastady.
Onlaın-formatta BUU-nyń Ortalyq Azıa úshin preventıvti dıplomatıa jónindegi óńirlik ortalyǵynyń basshysynyń qatysýymen Aýǵanstan, Qazaqstan, Qyrǵyzstan, Tájikstan, Túrikmenstan jáne Ózbekstannyń syrtqy saıası vedomstvolary basshylarynyń otyrysy ótti, dep habarlaıdy Almaty-akshamy.kz QR SİM baspasóz qyzmetine silteme jasap.
Konferensıaǵa qatysýshylar Aýǵanstandaǵy beıbitshilik pen ekonomıkalyq damýdy qamtamasyz etýdiń keleshegin, saıası, saýda-ekonomıkalyq jáne tranzıttik-kólik salalardaǵy ózara is-qımyldy damytý múmkindikterin, sondaı-aq NATO men AQSH jetekshilik etken halyqaralyq koalısıa kúshteri shyǵarylǵannan keıin óńirdiń qaýipsizdigi men Aýǵanstannyń bolashaq saıası qurylymy máselelerin talqylady.
Talǵat Qalıev Aýǵanstandaǵy beıbitshilik prosesiniń barlyq taraptary arasynda konsensýs qalyptastyrýǵa jáne onyń Ortalyq Azıadaǵy ekonomıkalyq prosesterge dáıekti ıntegrasıalanýyna baǵyttalǵan halyqaralyq kúsh-jigerge qoldaý bildirdi.
Otyrys qorytyndysy boıynsha kezdesýge qatysýshylar Aýǵanstandaǵy jaǵdaıdy retteý jáne turaqtylyqty qamtamasyz etý qajettigin atap ótti. Beıbitshilik ornatýǵa, halyqty biriktirýge, qoǵamdy demokratıalandyrýǵa jáne Aýǵanstandy órkendetýge baǵyttalǵan beıbitshilik prosesin qoldaý týraly Birlesken málimdeme qabyldandy.