Bir jylda ınternet-satyp alýshylar qatary 57%-ǵa ósken.
Sońǵy bir jylda Qazaqstandaǵy elektrondy saýda kólemi úsh ese ósken, dep habarlaıdy Almaty-akshamy.kz Finprom.kz caıtyna silteme jasap.
Kóp jaǵdaıda satyp alýshylar ınternet arqyly kıim, aıaq kıim, sport tovarlaryn jáne azyq-túlik alady.
2020 jyly lokdaýn jáne oqshaýlaý kezinde Qazaqstandaǵy saýda salasy aıtarlyqtaı quldyrady. Bir jyldyń ishinde saýda kórsetkishteri 4,1%-ǵa tómendep ketken. Mundaı jaǵdaı tek Qazaqstanda ǵana emes, kúlli álemde baıqaldy. Bul sátte elektrondyq komersıa saýdanyń negizgi tiregine aınyldy.Ótken jyly álemdegi elektrondyq saýdanyń kólemi bir jyl ishinde 27,6% ósip, 4,3 trln AQSH dollaryna jetti. Sonymen qatar, Qazaqstanda onlaın-satyp alý kólemi birden 57% ósip, 1,1 trln teńgeni qurady, al elektrondy saýdanyń úlesi 3 esege jýyq artty jáne bólshek saýdada 9,7% qurady.
Osylaısha, COVID-19 pandemıasy elektrondy saýdanyń damýyna aıtarlyqtaı septigin tıgizgeni anyq. Óz densaýlyǵy úshin alańdaıtyn jáne qoǵamdyq oryndarda kóp bolǵysy kelmeıtin tutynýshylar elektrondy saýda alańdaryn belsene qoldana bastady.
2020 jyly Internette taýarlar men qyzmetterdi satyp alǵan Internet paıdalanýshylardyń úlesi 17,7% deıin ósti, bir jyl buryn bul kórsetkish 15,6% quraǵan bolatyn. Óńirlik turǵydan alǵanda, elektrondyq saýdany paıdalanýshylar Qaraǵandy oblysynda kóp - 36%. Alǵashqy úshtikke Nur-Sultan (30%) jáne Mańǵystaý oblysy (27,3%) kiredi.
Onlaın-saýdasyna belsene qatyrasatyn qazaqstandyqtar kerek zattarynyń 29,9%-yn TMD elderinen, 8,1%-yn EAEO elderinen alady. Bul kórsetkish sheteldik satýshylardyń taýarlary men qyzmetteri Qazaqstanda joǵary suranysqa ıe ekenin baıqatady.
Internet arqyly saýda jasaýshylar kóp jaǵdaıda kıim, aıaq kıim, sport tovarlaryn alyp jatady, bul saýdanyń 62,8% úlesin quraıdy. Odan keıin azyq-túlik (44,9%), turmystyq zattar (25,5%), dári-dármekter (23,6%), sondaı-aq telekomýnıkasıa qyzmetteri (19,6%).
