Prezıdenttiń tapsyrmasy boıynsha bul elge 5 myń tonna un jiberilgen
Qazaqstan Aýǵanstanǵa 1,9 mln dollan bolatyn 155 tonna kóleminde azyq-túlik jáne dári-dármek salynǵan gýmanıtarlyq júk jiberdi. Bul týraly Saýda jáne ıntegrasıa mınıstri Baqyt Sultanov aıtty, dep habarlaıdy Almaty-akshamy.kz inbusiness.kz-ke silteme jasap.
Mınıstrliktiń dereginshe, vedomstvo basshysy Aýǵanstan astanasy Kabýlǵa barǵan. Sapar barysynda Baqyt Sultanov Aýǵanstan premer-mınıstriniń orynbasary Abdýlla Salam Hanafı, syrtqy ister mınıstri Amır Han Mýttakı, saýda jáne ónerkásip mınıstri Nýrıddın Azızımen kezdesken.
Mınıstr Prezıdent Qasym-Jomart Toqaevtyń tapsyrmasy boıynsha Qazaqstan Aýǵanstanǵa 5 myń tonna undy gýmanıtarlyq kómek retinde jibergenin aıtty.
«Búgin biz qosymsha 1,5 tonna júk (dári-dármek) ákeldik. Sondaı-aq 1,9 mln dollar bolatyn 155 tonna azyq-túlik jáne dári-dármek salynǵan gýmanıtarlyq júk jiberildi. Jaqynda ol Aýǵanstan aýmaǵyna ótedi» - dedi Baqyt Sultanov.
Ol Dúnıejúzilik azyq-túlik baǵdarlamasy 20 myń tonna qazaqstandyq undy satyp alǵanyn aıtty.
«Qazaqstan kóptegen halyqaralyq áriptes sıaqty, aýǵanaralyq qaqtyǵystyń belsendi kezeńi aıaqtaldy jáne eldi janjaldan keıingi kezeńde qalpyna keltirý ýaqyty keldi dep úmittenemiz» - dedi mınıstr.
Sonymen qatar Baqyt Sultanov Qazaqstan bıligi Aýǵanstannyń ishki isine aralaspaıtynyn atap ótti.
«Biz dástúrli túrde terorızm men esirtki qylmysynan azat beıbit, birtutas, táýelsiz jáne órkendegen Aýǵanstandy qoldaımyz. Aýǵan halqy beıbitshilikti ornatý jáne odan ári damý úshin óz bolashaǵyn ózi anyqtaýǵa quqyly», - dedi basshy.