2022 jyldan bastap buryn kóterilmegen sanattardyń tabysy artady
2022 jyldan bastap Qazaqstanda bıylǵy jyly tabysy óspegen mamandardyń jalaqysyn kóterý bastalady, dep habarlaıdy Almaty-akshamy.kz LS-ke silteme jasap.
Eńbek jáne halyqty áleýmettik qorǵaý mınıstrliginiń málimetinshe, 2022 jyldan bastap buryn kóterilmegen sanattardyń tabysy artatyn bolady. Olarǵa muraǵatshylar, kitaphanashylar, mýzeıtanýshylar, ormanshylar, tehnıkalyq qyzmetkerler jáne basqalar jatady. Barlyǵy 588 myń adam. Jalpy, kelesi jyly jalaqy shamamen 1,2 mln azamattyq qyzmetshige ósedi.
Sondaı-aq, mınıstrlikte 2022 jyldyń 1 qańtarynan bastap eń tómengi jalaqy (ETJ) 60 myń teńgeni quraıtynyn eske saldy, bul aǵymdaǵy kórsetkishten 41%-ǵa joǵary. Bul ár túrli menshik nysanyndaǵy kásiporyndarda barlyq salalarda jumys isteıtin 1,6 mln adamnyń aqshalaı tabystarynyń ósýine ákeledi.
Birinshi kezekte ETJ kóterilýi «jalaqysy tómen» qyzmetkerlerge qatysty bolady. Jalaqy deńgeıin belgileý kezinde ETJ kórsetkishin paıdalanatyn jumys berýshiler de jalaqyny qaıta qaraıtyn bolady.
2023 jyly pedagogtardyń jalaqysy 2020 jylmen salystyrǵanda eki ese ósýi tıis. Budan basqa, 2021 jyly medısınalyq jáne áleýmettik qyzmetkerlerdiń jalaqysyn kezeń-kezeńimen arttyrý bastaldy, nátıjesinde tórt jyl ishinde olardyń jalaqysy da eki ese artady.
Qazirgi ýaqytta, eńbek resýrstaryn damytý ortalyǵynyń málimetteri boıynsha, bilim berý qyzmetkerleriniń tabysy saýdadaǵy qyzmetkerlerge qaraǵanda tómen.