Respýblıkadan jınalǵan 28 fınalıst táj úshin kúresedi
«Qazaqstan arýy - 2021» baıqaýynyń resmı saıtynda halyqtyq daýys berý bastaldy, - dep habarlaıdy Almaty-akshamy.kz Tengrinews.kz-ke silteme jasap.
Birinshi onlaın-daýys berý jeńimpazdary avtomat túrde fınalıster qataryna kiredi. Osylaısha, bıyl sulýlyq baıqaýyna birinshi resmı qatysýshyny halyq jáne 14 fınalısti qazylar alqasy músheleri tańdaıdy. Taǵy bir fınalıst talanttar baıqaýynyń jeńimpazy bolady.
Bıyl qazylar alqasynyń músheleri: ánshi Mádına Sádýaqasova, akter Táýekel Músilim, stılıs jáne Kazakhstan Fashion Week negizin qalaýshy Alekseı Chjen, «Qazaqstan arýy - 2013» jáne telejúrgizýshi Aıdaı Isaeva, pýblısıs Vıktorıa Momynbaeva, Effective Media Liaison JSHS dırektory (Tengrinews.kz, Vesti.kz, Massaget.kz) Suńqar Qarabalın, qoǵam qaıratkeri Sovet Seıitov, «Qazaqstan arýy» dırektory Alena Qyrbasova jáne qazylar alqasynyń tóraǵasy - álemge áıgili skrıpkashy Marat Bısenǵalıev.
Baıqaýdyń ashyqtyǵyn qamtamasyz etý úshin qazylar alqasy grand-fınalǵa ótetin 5 arýdy tańdaıdy. Olar ózi týraly aıtyp beredi. Odan ári tikeleı efırde taǵy bir daýys berý júredi, onda qazaqstandyqtar bes arýdyń ishinen jeńimpazdy tańdaıdy.
25-ret ótkeli turǵan «Qazaqstan arýy» baıqaýynyń fınaly 16 qarashada ótedi. Onda búkil respýblıkadan jınalǵan 28 fınalıst táj úshin kúresedi.
Tikeleı efır «Qazaqstan arýy» baıqaýynyń resmı YouTube-arnasynda kórsetiledi.