Qarýly kúshterde mamandyq boıynsha oqytýdyń birinshi kezeńi aıaqtaldy.
Bul ár oqý kezeńiniń basynda ótkiziletin áskerı qyzmetshilerdiń jaýyngerlik daıarlyq baǵdarlamasynyń negizgi kezeńderiniń biri, dep habarlaıdy Almaty-akshamy.kz
Áskerı qyzmetshilerdi mamandyq boıynsha daıarlaý laýazymdyq maqsatyna sáıkes oqý sabaqtar keshenin qamtıdy. Negizgi maqsaty – shtattyq qarý-jaraq pen áskerı tehnıkanyń fýnksıonaldyq mindetterin, materıaldyq bóligin, olardy paıdalaný tártibin zerdeleý.
Jeke daıyndyq áskerı bólimderde shtattyq-laýazymdyq taǵaıyndalýyna qaraı tájirıbeli nusqaýshylardyń basshylyǵymen bir aı boıy iske asyryldy. Sabaqtar oqý-ádistemelik jáne kórneki quraldardy paıdalana otyryp, qarý-jaraq pen áskerı tehnıkada, oqý synyptary men polıgondarda ótkizildi.
Mehanık-júrgizýshilerdi, nysanashy-operatorlardy, pýlemetshilerdi, granataatqyshtardy, otshasharshylardy jáne bólimshelerdiń jaýyngerlik ázirligin aıqyndaıtyn basqa da mamandardy daıarlaý úshin jekelegen toptar qurylǵan.
Bólimshe komandırleri urysty uıymdastyrý, oq atýdy basqarý, qarýdy qalypty urys jaǵdaıyna keltirý, jaýyngerlik daıarlyq sabaqtaryn ótkizý ádistemesi máseleleri boıynsha oqydy.
Oqý aıaqtalǵannan keıin áskerı qyzmetshiler baqylaý sabaqtary barysynda synaqtar tapsyryp, nátıjeleri boıynsha olar shtattyq tehnıka jáne qarý-jaraqpen jumys isteýge jiberildi.
Jaýyngerlik daıarlyqtyń kelesi kezeńinde áskerı qyzmetshiler jaýyngerlik mindetterdi oryndaýda birlesken is-qımyldaryn pysyqtaýǵa baǵyttalǵan bólimshelerdi úılestiretin bolady.