Naryq sýbektilerine mundaı buzýshylyqtardy toqtatý jáne olardyń aldaǵy ýaqytta qaıtalamaý týraly habarlamalar jiberildi.
Básekelestikti qorǵaý jáne damytý agenttiginiń Almaty qalasy boıynsha departamenti qaladaǵy iri avtosalondardyń áreketinen monopolıaǵa qarsy zańnamany buzý belgilerin anyqtady, dep habarlaıdy Almaty-akshamy.kz Inbusiness.kz silteme jasap.
«Jańa avtokólikterdi satý naryǵyndaǵy básekelestik jaǵdaıyn taldaý nátıjeleri, sondaı-aq Almaty qalasy prokýratýrasynyń materıaldary negizinde birqatar avtosalondar áreketterine qatysty, ústem jaǵdaıdy teris paıdalaný bóliginde, tutynýshylarǵa qosymsha taýarlardy tańý jáne avtokólikterdi satý boıynsha qyzmetter kórsetýde, Qazaqstan Respýblıkasynyń básekelestik zańnamasyn buzý belgileri anyqtaldy», – dep habarlady agenttik.
Bıylǵy jyldyń 27 maýsymynda atalǵan naryq sýbektilerine mundaı buzýshylyqtardy toqtatý jáne olardyń aldaǵy ýaqytta qaıtalamaý týraly habarlamalar jiberildi.
«Kásipkerlik kodekstiń normalaryna sáıkes, naryq sýbektisi habarlamada kórsetilgen áreketterdi belgilengen merzimderde toqtatpasa, monopolıaǵa qarsy organ tergep-tekserý júrgizý týraly sheshim qabyldaıdy. Habarlamany oryndaýdyń jáne onyń oryndalǵany týraly aqparatty usynýdyń sońǵy merzimi ony naryq sýbektisi alǵan kúnnen bastap kúntizbelik otyz kúndi quraıdy», – dep habarlady agenttik.