Ustalǵan alaıaq qamaýǵa alyndy.
Almatyda polısıa qyzmetkerleri kezekti alaıaqty ustady, dep habarlaıdy Almaty-akshamy.kz Polisia.kz-ke silteme jasap.
Medeý aýdandyq polısıa basqarmasynda sotqa deıingi tergeýdiń biryńǵaı tizilimine QR QK-niń 190-baby 3-bóliginiń 1-tarmaǵyna sáıkes 33 jastaǵy B.esimdi azamatqa qatysty qylmystyq is tirkeldi.
Tergeýshiler anyqtaǵandaı, jas jigit páterlerdi jóndeý týraly jarnama bergen. Áleýetti tutynýshy habarlasqan kezde, kúdikti árleý jumystary bastalǵanǵa deıin qurylys materıaldaryn satyp alý úshin aldyn ala tólem surady. Aqshany alǵannan keıin belgisiz baǵytta jasyrynyp qalǵan.
«Jedel is-sharalar barysynda kúdikti ustaldy. İsti qaraý barysynda B.esimdi azamattyń 3 epızodty jasaǵandyǵy belgili boldy. Ol óz is-áreketin moıyndady. Ony buryn jasalǵan osyǵan uqsas qylmystarǵa qatysy bar-joǵyna tekserýde», – dedi Medeý aýdandyq Polısıa basqarmasynyń bastyǵy Dáýren Ótebaev.
Aldyn ala tergeý barysynda ustalǵan adamǵa qatysty qamaýǵa alý túrindegi bultartpaý sharasy tańdalyp, ýaqytsha ustaý ızolátoryna qamaldy.