Qazir partıa músheleriniń tizimi tekserilip jatyr.
Vedomstvo basshysy Qanat Mýsınniń málimdeýinshe, úsh saıası partıanyń tirkeý týraly ótinimi Ádilet mınıstrliginiń qaraýynda, dep habarlaıdy Almaty-akshamy.kz
«Qazirgi tańda Ádilet mınıstrligi úsh partıadan ótinim qabyldady. Úsh partıa uıymdastyrýshylyq, sıez shaqyrý kezeńinde. Durysy, bir partıa sezin ótkizip qoıdy. Qazir partıa músheleriniń tizimi tekserilip jatyr. Eki partıa sıez shaqyrý satysynda», - dedi Mýsın.
Aıtýynsha, jalpy segiz partıa Ádilet mınıstrligine ótinim bergen, biraq ázirge olar birinshi kezeńnen ótken joq.
Aıta keteri, búgin Májilis saıası partıalardy tirkeý tártibine qatysty túzetýler engizilgen zań jobasyn birinshi oqylymda maquldady.
Zań jobasyna sáıkes, saıası partıalardy tirkeý úshin onyń sandyq shegi 20 myńnan 5 myńǵa deıin, saıası partıalardyń óńirlerdegi ókildikteriniń sany 600-den 200-ge deıin, saıası partıany qurý kezindegi bastamashyl top azamattarynyń sany 1 myńnan 700-ge deıin qysqartylady.