El Premer-Mınıstri Asqar Mamınniń tóraǵalyǵymen ótken Úkimet otyrysynda Úkimettiń zań jobalaý jumystarynyń 2021 jylǵa arnalǵan josparynyń oryndalý barysy jáne 2022 jylǵa arnalǵan jospar jobasy qaraldy
Ádilet mınıstri Marat Beketaev baıandama jasady, ol 2021 jyly Úkimet 25 zań jobasyn ázirlegenin, onyń 5-eýine Memleket basshysy qol qoıǵanyn, 1-eýin Parlament qabyldaǵanyn, 18-i Parlament qaraýynda jatqanyn, 1-eýi osy jyldyń sońyna deıin Parlamentke engiziletinin málimdedi, dep habarlaıdy Almaty-akshamy.kz
2022 jylǵa arnalǵan jospar jobasynda 26 zań jobasyn ázirleý kózdelgen, onyń 16-sy Memleket basshysynyń tapsyrmalaryn oryndaýǵa qatysty. Birinshi jartyjyldyqta 7 zań jobasyn, ekinshi jartyjyldyqta 19 zań jobasyn ázirleý josparlanýda.
Kelesi jyly «QR Áleýmettik kodeksi» jobasy, jergilikti ózin-ózi basqarý, kásiptik biliktilikter, aglomerasıalardy damytý, jylý energetıkasy týraly zań jobalary jáne t.b. ázirlenedi.
Premer-Mınıstr memlekettik organdardyń birinshi basshylaryna zań jobalarynyń sapaly ázirlenip, Úkimet pen Parlamentke ýaqtyly engizilýin qatań baqylaýdy tapsyrdy.