Toqqa túsken oqýshylardyń biri oqıǵa ornynda jan tapsyrdy
Bul oqıǵa keshe Almaty-1 stansıasyndaǵy temirjolda bolǵan. Qaıǵyly oqıǵaǵa qatysty jelilik polısıa basqarmasy qylmystyq is qozǵady, dep habarlaıdy Almaty-akshamy.kz 24.kz-ke silteme jasap.
Keshe tústen keıin 8-synypta oqıtyn almatylyq oqýshylar joǵary kerneýli toqqa túsken. Bireýi sol jerde qaza tapsa, ekinshisi aýrýhanaǵa jetkizilgen. Osy jaǵdaıǵa baılanysty Qylmystyq kodekstiń 344-baby 2-bóligi, ıaǵnı temirjol júrisi nemese olardy paıdalaný qaýipsizdigi qaǵıdalaryn buzý boıynsha tergeý júredi.
Qazaqstan temir joly kompanıasy taratqan aqparatqa sáıkes, jetkinshekter Almaty stansıasyndaǵy qabyldaý-jóneltý parkinde selfı jasamaqshy bolǵan. Qalalyq qoǵamdyq densaýlyq basqarmasy baspasóz qyzmetiniń habarlaýynsha, ekinshi jasóspirim kesheden beri jansaqtaý bóliminde jatyr. Onyń jaǵdaıy turaqty aýyr halde.