Alaıaq azamattardy áleýmettik jelidegi túrli-tústi jarnamalardyń qaqpanyna túsirgen
Almatylyqtar jıhaz jasaýshynyń ústinen shaǵym túsirdi, dep habarlaıdy Almaty-akshamy.kz Polisia.kz-ke silteme jasap. Másele korpýstyq jáne jumsaq jıhazdar shyǵarý boıynsha JK basshysy – 27 jastaǵy I.esimdi er adam jaıynda bolyp otyr.
«Jábirlenýshilerdiń ujymdyq ótinishi negizinde bizdiń bólimshe QR QK-niń 190-baby 3-bóligi (Eki nemese odan da kóp adamǵa birneshe ret jasalǵan alaıaqtyq) boıynsha qylmystyq is STBT-ne tirkeldi. Almaty oblysynyń týmasy áleýmettik jelide paraqsha ashyp, jıhaz jasaý boıynsha qyzmet kórsetý týraly habarlandyrý jarıalaǵany anyqtaldy. Odan ári klıent jeke kásipkermen kelisim jasasyp, tapsyrystyń jalpy qunynyń 70 paıyzyn tóledi. Aryzdanýshylardyń aıtýynsha, atalǵan fırmanyń ókili senimge qıanat jasaý arqyly olardy aldaǵan. Qyzmet kórsetý boıynsha jasalǵan kelisimshartta ol tapsyrys bergen jıhazdy 14 kún ishinde daıyndaýǵa mindettendi. Alaıda qarajatty alǵannan keıin ol kelisimshart boıynsha mindettemelerin oryndaýdy kózdegen joq. Aldanǵan azamattardyń áleýmettik jelidegi túrli-tústi jarnamalardyń qaqpanyna túskeni anyqtaldy. Olardyń keıbireýleri jańa jıhaz alý úshin nesıe rásimdegen», – deıdi Almaly aýdandyq polısıa basqarmasynyń bastyǵy Esen Ysqaqov.
Tergeýdiń osy kezeńinde I.esimdi azamat 8 epızodty jasaǵany úshin sottaldy. Sońǵy “mámile” 10 qazanda tirkeldi. Osy oraıda atalǵan jeke kásipkerdiń alaıaqtyq áreketinen zardap shekken ózge de jábirlenýshilerdi anyqtaý sharalary júrgizilýde.
Zardap shekken azamattardy myna telefondar arqyly habarlasa alady: +7 (777) 811-97-79, +7 (778) 777-29-56, +7 (747) 333-03-20, +7 ( 708) 804 -17-55 jáne +7 (701) 299-52-01