Qazaq qyzyna álemniń áıgili sán úıi «quda tústi».
Aınur Polatovanyń ulttyq naqyshta jasaǵan kıiz úı túrindegi buıymyna fransıalyq kompanıanyń kózi túsip, sheberdi ózderine shaqyrdy, dep habarlaıdy Almaty-akshamy.kz 24.kz-ke silteme jasap.
Endi jahanǵa tanymal brend kıiz úı pishininde sómke tigedi. Aınur Astanada oqıdy. Osydan úsh aı buryn «talapaı» atty biregeı jobany qolǵa alǵan. «Bes tas», «Qumar», «Aǵash úı» bestemshesi, «Tumar» bestemshesi, «Toǵyzqumalaq» oıyndaryn qazaqtyń oıý órnegimen kórkemdep, qorjyn túrinde usynyp otyr. Asyqty polıýretan degen materıaldan, al, toǵyzqumalaqtyń tasyn kıiz ben qyshtan ózi jasaıdy. Jańa jobaǵa Túrkıa, AQSH, Nıderlandy da qyzyǵýshylyq tanytty. Ózi kásibı dızaında oqymaǵan. Fılolog. Bıyl endi Germanıada, Gete atyndaǵy ýnıversıtette akademıalyq utqyrlyq baǵdarlamasy boıynsha bilimin shyńdamaq. Odan soń qazaqy naqyshtaǵy sómkeniń erekshe dızaınyn tanystyrý úshin jazda Fransıaǵa attanady. Sán úıiniń resmı ókilderimen kezdesedi.
«Olar Shveısarıada kıiz úı pishininde dúken turǵyzǵan edi. Sol dúkenniń konsepsıasyn negizge ala otyryp, ózimdi tanystyryp, men osyndaı jobanyń avtorymyn jáne mende kıiz úı formasynda bestemshe degen oıyn bar, onyń syrtqy formasy kóp adam sómkege uqsatyp jatady, bir jaǵynan, ıntelektýaldy oıyn, ekinshi jaǵynan, sómke, bul oıyn óte erekshe dep oılaımyn. Eger qyzyqty bolsa, maǵan keri jaýap qaıtararsyzdar degen edim. Alaıda jaýap qaıtarady degen senim bolmady. Eki aptadan keıin jaýap qaıtardy. Ideıanyń qyzyqty ekenin aıtyp, qosymsha kómek úshin habarlasýymdy aıtty. Kıiz úı pishinindegi sómkelerdi jasaý týraly ıdeıaǵa qyzyǵyp otyr», - deıdi joba avtory Aınur Polatova.