İİM jáne UQK vedomstvoaralyq jedel tergeý toby BAQ ókilderine shabýyldar uıymdastyrý deregi boıynsha qylmystyq isti tergeýdi jalǵastyrýda.
Ustalǵan O.Tokarev óziniń kinásin moıyndady jáne tergeýge kómektesýge kelisti. Oǵan basqa shetel azamattary – K.Lıtvınovtiń, S.Shapovalovtyń, B.Demchenko men Ia.Malyshoktyń belsendi kómek kórsetkeni anyqtaldy, dep habarlaıdy Almaty-akshamy.kz Polisia.kz-ke silteme jasyp.
Tokarevtiń ózi uıymdastyrýshy jáne úılestirýshi retinde, al toptyń basqa qatysýshylary – Lıtvınov, Shapovalov jáne Demchenko rekrýterler rólin atqaryp, Qazaqstan azamattary arasynan arandatýdy tikeleı iske asyrýshylardy, ıaǵnı “qabandar” dep atalatyn oryndaýshylardy izdeýmen jáne qylmystyq áreketke tartýmen aınalysqan.
Sondaı-aq olar ashyq aqparattyq derekkózderden jábirlenýshilerge qatysty málimetterdi jınaǵan. Memlekettik aqparattyq derekterge ruqsaty bar tulǵalardy izdestirgen. Tokarevpen birge arandatýlardy iske asyrý joldaryn (kólikterdi órteý, qaýip tóndirý jáne shabýyldaý) ázirlegen.
Malyshok hakerlik baǵytqa jaýapty bolyp (flýd, DDos, buzý jáne t.b.), “Orda” jáne “Elmedia” saıttaryna DDos-shabýyldaryn ózi uıymdastyrǵan. “Ulysmedia” redaksıasynyń saıtyn buzǵan. Qazirgi tańda Bas prokýratýramen birge Tokarevtiń sybaılastaryn halyqaralyq izdeýge jarıalaý máselesi pysyqtalýda. Bastamashylardy anyqtaý boıynsha jumystar jalǵasýda, nátıjeleri qosymsha habarlanatyn bolady.