Halyqaralyq karate federasıasy (WKF) jańartylǵan reıtıń kestesin jarıalady, jáne qazaqstandyq Móldir Jańbyrbaı 50 kelige deıingi salmaqta kósh basyna shyqty, dep habarlaıdy aqshamnews.kz
Móldir Jańbyrbaı jaqynda Parıjde ótken halyqaralyq reıtıńtik Karate1 Premer Lıgasynda qola medal ıelengen bolatyn. Bul tamasha nátıje onyń álemdik reıtıńte birinshi orynǵa kóterilýine múmkindik berdi.
Qazirgi reıtıń boıynsha:
- Móldir Jańbyrbaı (Qazaqstan) – 5490 upaı
- Iorgelıs Salazar (Venesýela) – 5350 upaı
- Ema Sgardellı (Horvatıa) – 3312 upaı
Aıta keteıik, Móldir Jańbyrbaı 2023 jyly karateden álem chempıony atanǵan tuńǵysh qazaq qyzy. Sonymen qatar, ol 2021 jylǵy Azıa chempıonatynda altyn medal, 2023 jylǵy Azıa chempıonatynda kúmis medal jeńip alǵan. Hanchjoýdaǵy Azıa oıyndarynda da ekinshi oryndy ıelengen bolatyn.
Móldirdiń bul jetistikteri tek sporttyq ǵana emes, qazaq sportshylarynyń halyqaralyq arenada tabysty bolatynyn kórsetetin úlken úlgi.