Zańnamaǵa sáıkes, uıaly telefondardy mindetti túrde tirkeý kerek.
Biraq alaıaqtar bul talapty op-ońaı attap ótedi, dep habarlaıdy aqshamnews.kz
Senator Janna Asanova alaıaqtardyń uıaly nómirlerdi qalaı tirkeıtinin jarıalady.
"Olar SMS arqyly JSN-di jiberedi de, tirkeı salady. Jeke derekterdi de engizbeıdi. Osylaısha, kez kelgen adam bógde bireýdiń jeke sáıkestendirý nómirin kórsetip, telefon nómirin qylmys jasaý úshin paıdalana alady", - dedi Asanova.
Onyń aıtýynsha, alaıaqtar "SIM-box"-tardy da jıi paıdalanady. Osy qurylǵylardyń kómegimen júzdegen SIM-kartany iske qosýǵa bolady. Sonyń saldarynan ishki ister organdary alaıaqtardy taba almaı jatady. Sebebi SIM-box uıaly nómirlerdi jyldam aýystyrýǵa múmkindik beredi.
"Alaıaqtar monıtorıńti op-ońaı aınalyp ketedi. Abonenttiń jalǵan lokasıasy men IMEI-kodyn kórsete alady. Vırtýaldy akkaýnttardy da ashýǵa múmkindik bar. Al, eń bastysy, vırtýaldy sıgnalmen qońyraý shalyp, halyqty aldap otyrady. SIM-box bir kúnniń ishinde 200 SIM-kartany aýystyryp bere alady", - dedi Asanova.
Osy oraıda senator uıaly nómirlerdi tirkeý kezinde bıometrıalyq derekterdi qoldanýdy usyndy. Al SIM-box mashınalardyń ımportyn shekteý kerek.