Almaty qalasynyń № 7 qalalyq klınıkalyq aýrýhanasynyń neırohırýrg dárigerleri 26 jastaǵy jas jigittiń mıynda paıda bolǵan isikti alyp tastady.
№7 QKA-nyń №4 neırohırýgıanyń bólimshesiniń neırohırýrgi Berik Isataevtyń aıtýynsha, pasıent klınıkaǵa basynyń jıi aýrýy, aınalýy, qan qysymnyń 200/100 deıin kóterilýi, jalpy álsizdikke, kórý qabiletiniń kúrt tómendeýi shaǵymymen keldi. Jınalǵan anamnezden sporttyq jattyǵý júktemelerinen keıin jelke aýmaǵynyń qatty aýrýy paıda bolatyny anyqtaldy.
Basqa jasalǵan MRT tekserý barysynda mıdyń shúıdelik aýmaǵynyń sol jaq bóliginde qýysty angıoma (isik) anyqtaldy. Neırohırýrg dáriger jan-jaqty tekserip qaraǵannan keıin pasıent emdeýge jatqyzyldy.
«Shaǵyn kólemdi isik shamamen 3 sm tereńdikte ornalasqandyqtan, oǵan dál jetý úshin aldyn ala neıronavıgasıa júrgizildi. Bul operasıa 6-8 saǵatta sozylatyndyqtan, kúrdelilik dárejesi 4-5 eseptelinedi. Operator óz jumysyn tolyq aıaqtamaǵansha operasıadan kete almaıdy, al asıstent pen brıgadanyń basqa da músheleri aýysýy múmkin» , - dep túsindirdi dáriger.
Operasıa kezinde negizinen pasıenttiń oıaný prosesin retteý úshin gaz narkozy paıdalanylady.
Qazirgi ýaqytta jas jigit operasıadan keıin ońalý kezeńinde, ol úılesimdi jumysy úshin dárigerlerge alǵys aıtady.