Antologıaǵa 54 qalamgerdiń tańdamaly shyǵarmalary engizilgen.
608 bettik «Qazaq prozasy» antologıasy eki eldiń dıplomatıalyq qatynastarynyń ornaǵanyna 30 jyl tolýyna arnap shyǵarylǵan, dep habarlaıdy Almaty-akshamy.kz.
2022 jyldyń shilde aıynda Ázirbaıjan men Qazaqstan arasyndaǵy dıplomatıalyq qatynastardyń ornaǵanyna 30 jyl toldy.
Antologıaǵa uly Abaıdan bastap, 2000-shy jyldary ádebıetke kelgen jas ádebı urpaq ókilderinen 54 qalamgerdiń tańdamaly shyǵarmalary engizilgen. Abaıdyń «Qara sózinen» úzindiler, Shákárimniń naqyl sózderi, qudiretti sóz sheberi Muhtar Áýezov, Ábish Kekilbaev, Muhtar Maǵaýın, Qabdesh Jumadilov, Qalıhan Ysqaqov, Sáken Júnisov, Ákim Tarazı, Saıyn Muratbekov, Dýlat Isabekov, Oralhan Bókeı, Dúkenbaı Dosjanov, Sátimjan Sanbaev, Rollan Seısenbaevpen qatar táýelsizdik kezeńindegi qazaq prozasy ókilderiniń shyǵarmalary ázirbaıjan oqyrmandarynyń rýhanı dúnıesin baıytýda mańyzdy ról atqarmaq.