Sharanyń negizgi maqsaty – kámeletke tolmaǵandar arasyndaǵy qylmystardyń aldyn alý.
Almatyda «Demalys» jedel aldyn alý is-sharasy júrgizilýde, dep habarlaıdy Almaty-akshamy.kz Polisia.kz-ke silteme jasap.
Demalys kúnderinde jedel jaǵdaıdy turaqtandyrý jáne kámeletke tolmaǵandar arasyndaǵy quqyq buzýshylyqtyń jolyn kesý, sondaı-aq balalardyń quqyqtaryn buzý derekterin anyqtaý, balalardyń qadaǵalaýsyz jáne panasyz qalmaýyn qadaǵalaý, balalar eńbegin paıdalanýdyń aldyn alý maqsatynda 9-11 tamyz aralyǵynda Almaty qalasy aýmaǵynda múddeli memlekettik organdardyń, úkimettik emes uıymdardyń ókilderin jáne qoǵam belsendilerin tarta otyryp, jalpy qalalyq «Demalys» jedel aldyn alý is-sharasy júrgizilýde.
«İs-sharanyń negizgi maqsaty – kámeletke tolmaǵandar arasyndaǵy quqyq buzýshylyqtar men qylmystardyń aldyn alý jáne eskertý, alkogóldik ishimdikterdi, esirtki, ýly jáne psıhotroptyq zattardy tutynatyn qoǵamǵa qarsy baǵyttaǵy kámeletke tolmaǵandar toptaryn anyqtaý, sondaı-aq kámeletke tolmaǵandardyń zańdy ókilderiniń erip júrýinsiz keshki jáne túngi ýaqytta úıden tys jerde bolý derekterin anyqtaý. İs-sharanyń tıimdi ári nátıjeli ótýine bilim berý organdary, jergilikti atqarýshy organdar, ata-analar komıtetteri, pedagogıkalyq ujymdar, kámeletke tolmaǵandardyń quqyqtaryn qorǵaý jónindegi vedomstvoaralyq komısıanyń jáne İİO-nyń basqa da qyzmetteriniń ókilderi jumyldyrylǵan», – dedi Almaty qalalyq PD Jergilikti polısıa qyzmeti basqarmasy bastyǵynyń orynbasary Dıas Dýanbekov.