Naryqta el úlesiniń bási artýda
Qazaqstandyq elektrovozdar eksportqa shyǵarylady, dep habarlaıdy Almaty-akshamy.kz Qazaqtv.com saıtyna silteme jasap.
Qazaqstandyq elektrovozdardy syrtqy naryqtarǵa jetkizý isi ilgerileıdi.
Elimizdiń Saýda jáne ıntegrasıa mınıstrligi men álemdegi eń iri mashına jasaý kompanıasy «Alstom» arasynda yntymaqtastyq týraly memorandýmǵa qol qoıyldy.
Qujat aıasynda ekijaqty yntymaqtastyqty nyǵaıtý, onyń ishinde otandyq qurastyrý tehnıkasyn shetelge shyǵarý, sondaı-aq jergilikti áleýetti arttyrý josparlanýda. Shyǵarylatyn elektrovozdardaǵy jergilikti qamtý úlesi búginde 40% quraıdy, ony jaqyn arada 60% deıin jetkizý kózdelgen.
«Otandyq materıaldyń úlesin arttyrýdan tehnıkanyń quny arzandap, básekelestikke qabilettiligi artýy tıis. Aralas óndiris damyp, 2025 jylǵa deıin shıkizattyq emes eksportty eki eseleý týraly maqsatymyzǵa jetýge kómektesetin bolady», - dedi QR Saýda jáne ıntegrasıa mınıstri Baqyt Sultanov.