Aldaǵy jyldary 9 iri sý qoımasy salynady
Úkimet otyrysynda belgili bolǵandaı, respýblıkada aldaǵy 5 jylda uzyndyǵy 2,5 myń kılometrge jýyq 120 kanal qaıta jańǵyrtylyp, 9 iri sý qoımasy salynady, dep habarlaıdy Almaty-akshamy.kz
«Jańa nysandardy salý jáne jumys istep turǵandaryn jańǵyrtý, sondaı-aq sý únemdeý tehnologıalaryn qoldaný jyl saıyn 6,4 tekshe km kóleminde qosymsha sý resýrstaryn jınaqtaýdy qamtamasyz etedi», – dep atap ótti Premer-Mınıstr.
Bul eldegi sýarmaly jerlerdiń kólemin keńeıtýge jáne, tutastaı alǵanda, ekonomıkanyń barlyq salasynyń tıimdi damýyna yqpal etedi. Buǵan deıin el Prezıdenti Qasym-Jomart Toqaev osyndaı mindet qoıǵanyn aıta ketken jón. Jalpy, 2030 jylǵa qaraı sýarmaly alqaptardy 3 mln gektarǵa deıin jetkizý josparlanyp otyr. Jaýapty vedomstvolar men ákimdikterge tıisti Jol kartalaryn ázirleý tapsyryldy.