«Atameken» ekspedısıasy máresine jetti
Bir aıǵa sozylǵan joba – el Táýelsizdiginiń 30 jyldyǵyna tartý retinde uıymdastyryldy. Elordadan shyqqan birinshi top Batys Qazaqstan arqyly júrip, ońtústik óńirlerdi aralap Almatyǵa jetti. Al ekspedısıanyń ekinshi tobynyń baǵyty Shyǵys Qazaqstan arqyly ótti. Ekspedısıa músheleri ár óńirdiń tólqujaty sanalatyn tarıhı oryndarda, týrısik nysandarda bolyp jan-jaqty kórsetti. Sapar Almatynyń Shymbulaq, Kóktóbe jáne Saq qorǵandary syndy týrısik jerlerimen qorytyndylanǵan, dep habarlaıdy Almaty-akshamy.kz Qazaqtv.com saıtyna silteme jasap.
Atalǵan ekspedısıany «Egemen Qazaqstan» men «Kazahstanskaıa pravda» respýblıkalyq gazetteriniń qyzmetkerleri uıymdastyrǵan. Ekspedısıa barysynan tilshiler elimizdiń kórikti jerleri týraly 15 maqala jarıalady.
«Táýelsizdikke oraı sol jyldary jetken jetistikterimizdi, el óńirleriniń keshegi men búgingi deńgeıin kórsetý negizgi maqsatymyz boldy. Qorytyndy jıyndy ádeıi osy táýelsizdigimizdiń, azattyǵymyzdyń altyn besigi Almatyda túıindep otyrmyz», - deıdi «Egemen Qazaqstan» respýblıkalyq gazeti» AQ basqarma tóraǵasynyń orynbasary Aıbyn Shaǵalaq.