2014 jyly Jasóspirimder olımpıadasynda 54 kg salmaq dárejesinde erkin kúreste top jarǵan Muhambet Qýatbek ómirden ótti.
Jas balýan keıingi jyldary AQSH-ta turǵan. Onyń qandaı jaǵdaıda qaıtys bolǵany belgisiz bolyp otyr. Bul týraly sport jýrnalısi Danıar Kárimjan jazdy, dep habarlaıdy Almaty-akshamy.kz.
Muhambet Qýatbek Jasóspirimder olımpıadasyna alǵash ret 2013 jyly qatysty. Bul joly ol 13-orynnan kóringenmen, kelesi jyly Nankınde ótken olımpıadada júldeger atandy. 2016 jyly 55 kg salmaqta jasóspirimder arasynda Azıa chempıony boldy.
16 naýryz kúni Muhambet Qýatbek AQSH-ta kóz jumdy. Elshilik sportshynyń denesin elge ákelý isin qolǵa aldy.
«Muhambet balýan 16 naýryz kúni AQSH-ta kóz jumdy. Ol sońǵy eki jylda Fıladelfıada turǵan. Onyń neden qaıtys bolǵany belgisiz», dedi jýrnalıs Danıar Kárimjan.
Qaraly habardy Qazaqstan kúres federasıasynyń baspasóz hatshysy Aspandıar Esenjolov ta resmı túrde rastady.
«Ókinishke qaraı, osyndaı habar alyp otyrmyz. Táýelsiz Qazaqstan tarıhynda erkin kúresten jasóspirimder Olımpıadasynda top jarǵan balýanymyz Muhambet Qýatbek ómirden ótti. Týystary men ata-anasyna qaıǵyra kóńil aıtamyz. 27 jastaǵy balýan sońǵy jyldary AQSH-ta ómir súrdi», - dedi Aspandıar Esenjolov.