Qytaıdaǵy Qazaqstan týrızm jyly aıasynda Roza Baǵlanova atyndaǵy «Qazaqkonsert» memlekettik akademıalyq konserttik uıymynyń ártisteri Dechjoý men Lanfan qalalarynda óner kórsetti.
İs-sharaǵa Qazaqstannyń eńbek sińirgen qaıratkerleri Elmura Jańabergen, Ardaq Balajanova, Saltanat Ahmetova, Medet Chotabaev, Mádenıet qaıratkeri Erbolat Shaldybekov, halyqaralyq jáne respýblıkalyq konkýrstardyń laýreaty Ádilhan Makın, sondaı-aq «Gúlder» jáne «Astana sazy» ansámblderi qatysty, dep habarlaıdy Almaty-akshamy.kz.
Ónerpazdar dástúrli jáne zamanaýı ult mádenıeti men rýhanıatyn tanystyryp, otandyq kompozıtorlar men halyq ánderin shyrqap, qazaqtyń kıeli qara dombyrasy men qylqobyzy arqyly ulttyq ónerimizdi Qytaı jurtshylyǵyna pash etti.
Atalmysh is-shara beıbitshilik pen kelisimdi maqsat tutqan kórshi halyqtardyń ekijaqty qatynasynyń damýyna, ulttar dostyǵy men syılastyǵynyń artýyna serpin beredi.