Qazaqstan Respýblıkasynyń Meksıka Qurama Shtattaryndaǵy Elshisi Tımýr Pirimbetov Meksıkanyń qazirgi Prezıdenti Andres Manýel Lopes Obradorǵa senim gramotalaryn tabys etti. Rásim Ulttyq saraıda ótti.
Bul týraly Syrtqy ister mınıstrligi málimdedi, dep habarlaıdy Almaty-akshamy.kz.
Qysqasha cuhbat barysynda T. Pirimbetov Meksıka memleket basshysyn qoǵam men memleketti jan-jaqty jáne irgeli jańǵyrtýǵa baǵyttalǵan elimizdiń Prezıdenti Qasym-Jomart Toqaevtyń basshylyǵymen Qazaqstanda júrgizilip jatqan saıası jáne áleýmettik-ekonomıkalyq ózgerister týraly habardar etti.
A.Lopes Obrador ekijaqty ózara is-qımyldyń barlyq spektri boıynsha, onyń ishinde halyqaralyq arenada Meksıka-Qazaqstan yntymaqtastyǵyn odan ári damytýǵa jáne nyǵaıtýǵa joǵary múddeliligin, sondaı-aq Astanada Meksıka dıplomatıalyq ókildigin ashý nıetin rastady. Kezdesý sońynda qazaqstandyq dıplomatqa jumysta tabys tiledi.
Senim gramotalaryn tapsyrý rásimine Meksıkanyń Syrtqy ister mınıstri Alısıa Barsena Ibarra qatysty.