Eger tońazytqyshta maıonez bolatyn bolsa, krem izdep áýre bolmańyz.
Maıonezdi taǵamǵa ǵana emes úı-turmysta da paıdalanýǵa bolady, dep habarlaıdy Almaty-akshamy.kz Ernur.kz-ke silteme jasap.
Teri men tyrnaq kútimine
Eger tońazytqyshta maıonez bolatyn bolsa, krem izdep áýre bolmańyz. Maıonez terini óte jaqsy ylǵaldandyrady. Ol úshin maıonezdi kerek jerge ýqalaı otyryp jaǵý kerek. Mindetti túrde áseri bolady.
Qaryndashtyń izin joıady
Balalar qabyrǵaǵa sýret salýǵa óte qumar. Balalardyń qabyrǵaǵa qaryndashpen salǵan sýretterin ketirýge maıonez jaqsy kómektesedi. Ol úshin syzylǵan jerge maıonez jaǵyp 10-15 mınýtqa qaldyrasyz, keıin sýlyqpen súrtip alasyz. Qabyrǵańyz tap-taza bolyp shyǵa keledi.
Shashqa arnalǵan maska
Maıonez terini ylǵaldandyryp qana qoımaıdy, sonymen birge shashqa da jaqsy kómektesedi. Onyń quramyndaǵy maı men qysha shashqa óte jaqsy kómektesedi. Ol úshin bar bolǵany maıonezdi shashqa molynan jaǵyp, qaltasha kıip alasyz. 15 mınýttan keıin shashty jyly sýmen shaıyp, artynan sýsabynmen jýyp tastaısyz. Shash jumsaryp, erekshe jyltyraıtyn bolady.
Esik topsalaryn maılaý
Úıdegi esik terezelerdiń topsasynyń syqyrlaǵanyn maıonez jaǵyp basýǵa bolady. topsaǵa azyraq tuzdyq jaǵyp, syqyry basylǵansha ashyp-jaýyp jiberesiz boldy. Al artyq maıonez qalǵan bolsa súrtip alasyz.
Bolattan jasalǵan zattardaǵy daqtardy ketirý
Ol úshin bar bolǵany sýlyqqa azyraq maıonez quıyp bolattan jasalǵan zatyńyzdy ysqylap súrtesiz. Qoldyń izi, sý men sabynnan qalǵan aıǵyzdanǵan izder birden joq bolady. Zatyńyz dúkennen jańa alynǵandaı jarqyrap shyǵa keledi.
Smola men mazýtty jaqqsy ketiredi
Eger qolyńyz smola, mazýt nemese sol tektes zattarmen bylǵanyp qalsa, onda maıonez jaǵyp ketire alasyz. Ol úshin maıonezdi qolǵa jaǵyp ysqylap 5-7 mınýt qaldyrasyz. Keıin jaqsylap jýyp-shaıyp tastaısyz.
Shashqa jabysqan saǵyzdy tez alady
Shashqa jabysqan saǵyzdy maıonezben tez-aq alyp tastaýǵa bolady. Saǵyz jabysqan shash bóligine maıonez jaǵyp 5-10 mınýtqa qaldyryp qoıý kerek. Keıin jýyp, tazalap tastaısyz.
Jabysqaq taspa izin ketiredi
Jabysqaq taspa izin ketire almaı áýrege túsken bolsańyz, onda ol iske maıonez jaqsy kómektesedi. Kóp ýaqyt pen kúshti qajet etpeı, jyldam ketiredi. Qajetti jerge qalyń etip maıonez jaǵyp qoıyńyz, 15-20 mınýttan keıin ysqylap, tazartyp alasyz.
Bıtten tazartady
Qazir bıtteıtin shashtar az shyǵar, degenmen keıde balabaqsha, mektepten balalrdyń bıt juqtyryp alatyny bar. Odan arylýdyń túrli quraldary shyqqanymen keıbiri zıansyz deı almaımyz. Al maıonez tabıǵı, eshqandaı keri áseri joq. Bar bolǵany jatarda bıttegen shashqa molynan maıonez jaǵyp, oramal tańyp qoıyńyz. Tańerteń jaqsylap tarap, jýyp alasyz.
Jıhaz betindegi sý izderin ketiredi
Jıhaz betinde, ásirese asúıdegi jıhazdarda sý izderi qalyp, aıǵyzdanyp, ońaılyqpen kete qoımaıdy. Bul jerde de maıonez keremet kómekshi bola alady. Ol úúshin maıonezdi daq turǵan jerge jaǵyp, 48 saǵatqa qaldyrasyz. Eki táýlikten soń súrtip, tazartyp alasyz. Sondaı-aq jıhaz betindegi syzylǵan izderdi ketirýge de maıonez paıdalansańyz bolady. Maıonezdi syzylǵan jerge jaǵyp 1 táýlikke qaldyrasyz. Keıin súrtip alasyz.