Italıalyq aıaq kıim fabrıkasynyń basshysy Letısıa Gallı 105 jasyn jumys ornynda atap ótti. Kompanıa ujymy oǵan arnap shaǵyn mereke uıymdastyryp, jelide vıdeosyn jarıalady, - dep habarlaıdy tilshisi aqshamnews.kz "Doktor Pıterge" silteme jasap.
Letısıanyń áriptesteri tortpen onyń kabınetine kirgende, ol ústelinde qujattarmen jumys istep otyrǵany kórinedi.
Letısıa Gallıdiń ómiri 1926 jyly ákesi negizin qalaǵan kompanıamen tyǵyz baılanysty. 1939 jyly ákesi qaıtys bolǵannan keıin 19 jastaǵy Letısıa fabrıkany basqarýdy óz moınyna aldy. Soǵys ýaqytyndaǵy qıyndyqtarǵa qaramastan, kompanıany saqtap qana qoımaı, nyǵaıta bildi. 2005 jyly basqarý otbasynyń úshinshi býynyna berilse de, Letısıa áli de belsendi jumys istep keledi.
Ózi uzaq ǵumyr ıesi bolsa da, "jasym zeınetke shyǵýǵa sebep emes" deıdi. Ol qoǵamǵa kerek ekenin sezinip, eńbek etýdi jalǵastyrýǵa tyrysady.
Jeli qoldanýshylary onyń ómirsúıgish minezi men energıasyna tánti boldy.
Mamandar belsendi uzaq ómir súrýdi súıikti isine adal bolýmen baılanystyrady. Áriptesterdiń qurmeti, birge ótkizgen merekeler, bir shynyaıaq shaı basyndaǵy áńgime - kúshti antıstress faktorlar. Áleýmettik belsendilik depressıa, úreı jáne júrek-qan tamyr aýrýlarynyń qaýpin tómendetedi.