Aptap ystyqta kerek keńes
TJM qatty ystyqta qajettilik bolmaǵan jaǵdaıda dalaǵa shyqpaýǵa keńes beredi, dep habarlaıdy Almaty-akshamy.kz. 24.kz-ke silteme jasap.
«Qazgıdromet» RMK derekteri boıynsha, elimizdiń birqatar óńirlerinde taıaý kúnderi qatty ystyq kútiledi.
24 shilde kúni kúndiz Nur-Sultan qalasynda 35 gradýs qatty ystyq kútiledi. 24 shildede kúndiz Aqmola oblysynda 35-37 gradýs qatty ystyq saqtalady, oblystyń batysynda 40 gradýs qatty ystyq kútiledi. Tótenshe órt qaýpi saqtalady.
24-25 shildede kúndiz Qaraǵandy oblysynyń ońtústiginde 40 gradýs qatty ystyq kútiledi. Keı jerlerde tótenshe órt qaýpi saqtalady.
Kúndiz 24-26 shildede Jambyl oblysynyń keı jerlerinde 44 gradýs qatty ystyq kútiledi.
Tótenshe órt qaýpi saqtalady. 25 shildede kúndiz Almaty, Pavlodar, Shyǵys Qazaqstan oblystarynyń keı jerlerinde 40-42 gradýs qatty ystyq kútiledi. Keı jerlerde tótenshe órt qaýpi saqtalady. 25 shildede kúndiz Túrkistan, Qyzylorda oblystarynyń keı jerlerinde 46 gradýs qatty ystyq kútiledi. Tótenshe órt qaýpi saqtalady.
25-27 shildede kúndiz Mańǵystaý oblysynda 44 gradýs qatty ystyq kútiledi.
Aptap ystyqqa qatysty, Tótenshe jaǵdaılar mınıstrligi ystyqtan saqtaný úshin azamattardy asa qajettilik bolmaǵan jaǵdaıda dalaǵa shyqpaýǵa keńes beredi. Sonymen birge:
- aǵzany sýsyzdanýdan qorǵaý úshin kóp sý, kúnine keminde 1,5-3 lıtr suıyqtyq ishý kerek;
- aptap ystyqta kez kelgen dene eńbeginen bas tartyńyz;
- kúndiz kún sáýlesi bólmege kirmeýi úshin terezelerdi ashyq reńkti perdelermen jabyńyz;
- kún ótpes úshin bas kıim, ashyq aýa ótkizetin kıim (maqtadan jasalǵan) kıińiz.
Sonymen qatar:
«Ystyq aýa raıynda balalarǵa erekshe nazar aýdaryp, saq bolyńyz. Sondaı-aq azamattardy dala jáne orman alqaptarynda bolǵan kezde qaýipsizdik qaǵıdalaryna saqtaýǵa shaqyramyz. Tabıǵı órtterdiń oryn alýynyń negizgi sebepteri halyqtyń otty abaısyz paıdalanýy, sóndirilmegen temeki, alaý, janǵan sirińke, maıly nemese tozyǵy jetken shúberek, shyny bótelke, kólik quraly sóndirgishiniń ushqyny, qurǵaq shóptiń jaǵý, naızaǵaı bolyp tabylady», - dedi TJM baspasóz qyzmeti.